گائیڈ · گوگل میپس

گوگل بزنس پروفائل ویریفکیشن: ہر طریقہ، قدم بہ قدم

ویریفکیشن ہی گوگل لسٹنگ کو آپ کا بناتی ہے۔ گوگل کے مطابق کاروبار کی پوری تفصیل سنبھالنے اور لسٹنگ پر گاہکوں سے بات کرنے، جیسے ریویو کا جواب دینے، کے لیے یہ ضروری ہے۔ ویریفکیشن کیسے ہوگی یہ گوگل طے کرتا ہے، اور کبھی ایک سے زیادہ طریقے مانگتا ہے۔ یہ ہے کہ ہر طریقے کو کیا چاہیے، گوگل کے اپنے ہیلپ پیجز سے۔

شروع کرنے سے پہلے

• اس گوگل اکاؤنٹ سے لاگ اِن کریں جس کی لسٹنگ ہونی چاہیے: آپ کا اپنا جی میل، کسی ملازم کا نہیں۔
• شروع کرنے سے پہلے نام، پتہ اور کیٹیگری درست کر لیں۔
• وہ فون نمبر رکھیں جو آپ واقعی اٹھاتے ہیں۔ گوگل کے مطابق خودکار فون مینیو کوڈ وصول نہیں کر سکتے۔

گوگل کون سے طریقے دے سکتا ہے

1. ویڈیو ریکارڈنگ۔ جب یہ آپشن ملے تو گوگل یہی تجویز کرتا ہے۔ ایک ہی بار میں بغیر کٹ کے ویڈیو بنائیں: باہر کا منظر (آپ کا بورڈ، گلی یا ساتھ والی دکانیں)، آپ کی چیزیں یا سامان، اور یہ ثبوت کہ کاروبار آپ چلاتے ہیں (اپنی چابی سے تالا کھولنا، کاؤنٹر، کچن یا اسٹور)۔ بینک کی تفصیل اور شناختی کارڈ ویڈیو میں نہ آئیں۔
2. فون یا ایس ایم ایس۔ Get verified دبائیں، پھر Phone یا SMS۔ کال اٹھائیں یا میسج کھولیں، اور کوڈ اپنی پروفائل میں لکھیں۔
3. ای میل۔ Get verified دبائیں، پھر Email، اور ای میل میں دیے گئے قدم پورے کریں۔ وہ ای میل آپ کے پاس کھلنی چاہیے۔
4. لائیو ویڈیو کال۔ یہ صرف آپ کے کاروبار کے اوقات میں ملتی ہے۔ دکان پر موجود ہوں: گوگل کا نمائندہ کال پر آتا ہے، اور آپ کیمرے پر یہی تین چیزیں براہِ راست دکھاتے ہیں۔
5. پوسٹ کارڈ۔ یہ ہر کاروبار کو نہیں ملتا۔ زیادہ تر کوڈ 14 دن میں آ جاتے ہیں، اور کوڈ 30 دن بعد ختم ہو جاتا ہے۔ انتظار کے دوران نام، پتہ یا کیٹیگری نہ بدلیں (کوڈ کام نہیں کرے گا)، اور نیا کوڈ نہ مانگیں (ڈاک والا کوڈ بیکار ہو جائے گا)۔

ویریفکیشن میں کتنا وقت لگتا ہے

آخری قدم کے بعد گوگل آپ کی بھیجی ہوئی چیزیں دیکھتا ہے۔ گوگل کے مطابق اس میں پانچ کام کے دن تک لگتے ہیں، اور کبھی کبھار زیادہ۔ کچھ پروفائل فوراً ویریفائی ہو جاتی ہیں، مثلاً جب کاروبار کی ویب سائٹ پہلے سے گوگل سرچ کنسول میں ویریفائی ہو۔ کام ہو جائے تو تصدیق کی ای میل آتی ہے۔

اگر کام نہ بنے

• پروفائل پر "Get verified" کا بٹن پھر آ گیا ہے۔ گوگل پوری طرح ویریفائی نہیں کر سکا۔ دوبارہ کوشش کریں، یا اگر کوئی اور طریقہ ملے تو وہ آزمائیں۔
• ویڈیو کے بعد "Review issues"۔ ویڈیو قبول نہیں ہوئی۔ Review issues دبائیں، جو کہا جائے وہ کریں، اور دوبارہ ریکارڈ کریں۔
• کوڈ کبھی کسی کو نہ دیں، اُن کو بھی نہیں جو آپ کی لسٹنگ سنبھالتے ہیں۔ گوگل کبھی آپ سے کوڈ نہیں مانگتا۔
• ہر طریقہ آزما لیا اور اب بھی مسئلہ ہے؟ ہیلپ پیج سے گوگل بزنس پروفائل سپورٹ سے رابطہ کریں۔

نئی لسٹنگ شروع سے بنانی ہو: گوگل میپ پر دکان کیسے ڈالیں۔ لسٹنگ کسی اور کے پاس ہو: واپس کیسے لیں۔ معطل ہو گئی ہو: کیا کریں۔ یا یہ کام گوگل لسٹنگ کی سروس کے حوالے کریں، Rs 3,000 سے۔

گوگل کا اپنا ہیلپ پیج: گوگل پر اپنا کاروبار ویریفائی کریں۔

آخری بار دیکھا گیا: 27 ستمبر 2026 · تمام گائیڈز