قیمت

ریٹ پہلے سے لکھے ہیں، پوچھنا نہیں پڑتا۔

ویب سائٹ ایک بار بن کر رہ جائے تو چند مہینوں میں پرانی لگنے لگتی ہے — ٹائم غلط، ریٹ پرانے، تصویریں دو سال پہلے کی۔ کام تب چلتا ہے جب کوئی اسے اور آپ کی گوگل لسٹنگ کو اپ ڈیٹ رکھے۔ اس لیے ریٹ کے دو حصے ہیں: بنانے کا، اور چلانے کا۔

ریٹ روپے میں۔ «سے» کا مطلب کم از کم — اصل ریٹ اس پر ہے کہ آئٹم کتنے ہیں اور برانچ کتنی، اور کام شروع ہونے سے پہلے آپ کو لکھ کر مل جاتا ہے۔ چھوٹی دکان کا ریٹ فکس ہے: اُس کا اتنا ہی بنتا ہے۔

آپ کس میں آتے ہیں؟

یہ آپ کی گوگل لسٹنگ دیکھ کر پہلے طے ہو جاتا ہے، بات کرتے ہوئے نہیں — تاکہ ریٹ موقع پر نہ بنایا جائے: آپ کتنے آئٹم بیچتے ہیں، برانچ کتنی ہیں، آپ کے کام میں ایک کسٹمر سے اوسطاً کتنا بنتا ہے، اور شہر کون سا ہے۔ ایک ڈھابے اور ایک شادی ہال کے ریویو برابر ہو سکتے ہیں، کاروبار برابر نہیں۔

دونوں میں کیا کیا ملتا ہے

• آپ کا اپنا پتہ yourname.sitey.pk — مفت، جب تک سائٹ چل رہی ہے۔
• کلاؤڈ فلیئر کے نیٹ ورک پر ہوسٹنگ۔ الگ سے ہوسٹنگ کا کوئی بل نہیں۔
• ایک ہی صفحے پر اردو اور انگریزی — ٹھیک سے لکھی ہوئی، مشینی ترجمہ نہیں۔
• آپ کی اپنی تصاویر۔ اسٹاک تصویریں آپ کا کام بنا کر نہیں دکھائی جاتیں۔
• آرڈر اور بکنگ واٹس ایپ پر آتی ہے۔ نہ کمیشن، نہ ایپ، نہ کارڈ کی ضرورت۔
• ایڈمن جو آپ اپنے فون سے چلاتے ہیں: ریٹ بدلیں، آئٹم شامل کریں، تصویر بدلیں — ڈویلپر کے بغیر۔
• جتنی چاہیں چھوٹی تبدیلیاں، عام طور پر اُسی دن۔

گوگل والے میں اس کے علاوہ کیا ہے

یہی کام ہر مہینے وقت لیتا ہے، اس لیے ویب سائٹ سے مہنگا ہے۔

• گوگل لسٹنگ پر پوسٹس — کوئی آفر، نیا آئٹم، سیزن کی خاص چیز۔ اکثر دکانیں کبھی پوسٹ نہیں کرتیں۔
• ہر ریویو کا جواب، اچھا ہو یا برا، آپ کے اپنے لہجے میں۔
• ہر مہینے نئی تصاویر۔ گوگل اُن لسٹنگز کو آگے رکھتا ہے جن پر کام ہوتا رہے۔
• اوقات درست — رمضان، عید، چھٹیاں۔ غلط ٹائمنگ سے گاہک واقعی ضائع ہوتے ہیں۔
• ہر مہینے واٹس ایپ پر رپورٹ: کتنے لوگوں نے آپ کو گوگل پر دیکھا، کتنوں نے کال کی، کتنوں نے راستہ پوچھا۔ یہ گوگل کے اپنے نمبر ہیں، اندازہ نہیں۔

کیا نہیں ملتا

• کارڈ سے ادائیگی یا چیک آؤٹ۔ آرڈر واٹس ایپ پر آتا ہے؛ پیسے آپ اُسی طرح لیتے ہیں جیسے اب لیتے ہیں۔
• اسٹاک کا حساب، ڈیلیوری ٹریکنگ، یا گاہکوں کے اکاؤنٹ۔
• گوگل رینکنگ کا کوئی وعدہ۔ سائٹ ایسی بنتی ہے کہ گوگل اسے ٹھیک پڑھ سکے۔ یہ ضمانت نہیں، اور کوئی ایمانداری سے ضمانت بیچ بھی نہیں سکتا۔
• اشتہار کا بجٹ۔ اشتہار چلوانے ہوں تو وہ الگ بات ہے۔

لوگ اکثر یہ پوچھتے ہیں

چھوڑنا چاہوں تو؟

جب مرضی چھوڑ دیں۔ نہ کوئی کانٹریکٹ، نہ نوٹس، نہ چھوڑنے کی فیس۔ سائٹ بند ہو جائے گی، لیکن آپ کا سارا سامان — تصویریں، مینو، ریٹ اور لکھائی — آپ کو دے دیا جاتا ہے۔ کچھ روکا نہیں جاتا۔

ڈومین کس کا ہوتا ہے؟

اگر آپ اپنا .pk ڈومین لیتے ہیں تو وہ آپ کے نام پر رجسٹر ہوتا ہے اور آپ ہی کا رہتا ہے، چاہے آپ آگے ہمارے ساتھ کام کریں یا نہ کریں۔ مفت والا yourname.sitey.pk پتہ Sitey کے ڈومین کا حصہ ہے، اس لیے وہ ساتھ نہیں جاتا۔

ماہانہ کیوں؟ ایک دفعہ بنا کر دے دیں۔

بنا کر چھوڑ دینا آسان ہے، لیکن پھر سائٹ پرانی ہو جاتی ہے — ٹائم غلط، ریٹ پرانے، تصویریں دو سال پہلے کی۔ ماہانہ میں ہوسٹنگ ہے، جتنی مرضی چھوٹی تبدیلیاں، اور گوگل والے میں ہر مہینے لسٹنگ کا کام۔ صرف ویب سائٹ چاہیے تو پہلا کالم دیکھ لیں۔

گوگل لسٹنگ کے کام میں کیا ہوتا ہے؟

ہر مہینے: گوگل پر پوسٹس (آفر، نئے آئٹم)، ہر ریویو کا جواب، نئی تصاویر، اوقات درست رکھنا (رمضان، عید، چھٹیاں)، اور مہینے کے آخر میں واٹس ایپ پر رپورٹ — کتنے لوگوں نے آپ کو گوگل پر دیکھا، کتنوں نے کال کی، کتنوں نے راستہ پوچھا۔ یہ گوگل کے اپنے نمبر ہوتے ہیں۔

کیا آپ گوگل پر نمبر ایک کر دیں گے؟

نہیں، اور جو یہ وعدہ کرے اس پر یقین نہ کریں۔ سائٹ ایسی بنتی ہے کہ گوگل اسے ٹھیک پڑھ سکے، اور لسٹنگ چلتی رہے۔ رینکنگ کا فیصلہ گوگل کرتا ہے، کوئی اور نہیں۔

پیسے کیسے دینے ہیں؟

جاز کیش، ایزی پیسہ یا بینک ٹرانسفر۔ پہلے بنانے کا، پھر ہر مہینے۔ سال کا اکٹھا دے دیں تو دو مہینے مفت۔